當媽的矛盾
冇喺屋企十幾個鐘，放工唸住飛番屋企，攬住仔女係咁啜，一入屋就問個囡
「有冇掛住媽咪呀?」
「..有..有呀」
「媽咪唔返工，喺屋企陪你地，好唔好?」
「一半半啦!」
「點解? 成日陪你地喎!」
一副怕我嬲嘅樣子「ar.......媽咪唔返工，我地會冇錢，冇錢去冒險樂園架啦!」
做唔做全職媽咪相信係好多女士們嘅掙扎，唔做野又唔捨得份工，做野又怕同小朋友唔夠close。
鮮魚行學校前校長就覺得，為左要陪小朋友成長而放棄工作冇必要，媽咪冇左份工，分分鐘會當左小朋友係下屬，有要求就自然有衝突，關係仲反而差左，而且太專注小朋友的一舉一動，亦可能會帶來壓力。
話雖如此，但媽咪我真係好想日日喺屋企對住你地啊！有咩辦法可以又對住你地，又有自己嘅事業⋯⋯呢個成為我未來五年的目標之一，加油！
Search